Takk fyrir góðan fund í Borgarnesi

Ég þakka kærlega fyrir góðan fund í Borgarnesi í gærkvöldi. Það var gaman að sjá svo marga, hittast og spjalla og ekki síst fyrir og eftir fundinn. Mikið þótti mér vænt um að finna hvað margt fólk brennur fyrir starfinu í söfnðum sínum og prófastsdæmi. Einsog oft áður kemur á daginn að við þekkjumst eftir ýmsum leiðum. Það var gaman að rifja upp samstarf á liðnum árum í kirkjunni og víðar, ættartengsl, vensl og vináttu. Ég þakka prófasti, sr. Þorbirni Hlyn Árnasyni, fyrir að boða fundinn og stýra honum svo ljúflega og virðulega. Þá þakka ég hlý orð í minn garð.