Ég tel mikilvægt að vígslubiskup styðji góða stjórnsýslu, jafnrétti og lýðræðisleg vinnubrögð. Vandræði kirkjunnar hafa verið ómæld þegar útaf bregður. Þar kemur aftur inn samspil kirkju og þjóðfélags því við þurfum að læra stöðugt betur hvernig taka ber faglega á misnotkun, kynferðisbrotum, öðrum afbrotum og misbeitingu valds. Kirkjan þarf einmitt að þora að taka á erfiðum málum svo komast megi í átt til réttlætis, fyrirgefningar, sáttargjörðar og friðar í hverju máli. Ég held að það sé forsenda þess að hægt sé að tala um samfylgd kirkju og þjóðar.
Auglýsingar
